Heilari er manneskja sem tengir á milli fyrir lækna sem starfa að handan. Heilari flytur aldrei skilaboð á meðan heilunin sjálf fer fram.

Heilari tengir sig við andann og lætur ljósið streyma í gegn til þess sem heilunina fær. Heilunin sjálf stendur yfir í 10 til 20 mínútur.

Ég hef kærleikann að leiðarljósi í minni trú. Eins og segir í 13. kafla Korintubréfsins, er kærleikurinn mestur.

Hér á eftir læt ég fylgja 13. kaflann í heild sinni.

Korintubréf kafli 13

¹ Þótt ég talaði tungum manna og engla,en hefði ekki kærleika,væri ég hljómandi málmur eða hvellandi bjalla. ² Og þótt ég hefði spádómsgáfu og vissi alla leyndardóma og ætti alla þekking, og þótt ég hefði svo takmarkalausa trú, að færa mætti fjöll úr stað,en hefði ekki kærleika,væri ég ekki neitt.

³ Og þótt ég deildi út öllum eigum mínum,og þótt ég framseldi líkama minn, til þess að verða brenndur,en hefði ekki kærleika,væri ég engu bættari.

⁴ Kærleikurinn er langlyndur, hann er góðviljaður.Kærleikurinn öfundar ekki.Kærleikurinn er ekki raupsamur, hreykir sér ekki upp.

⁵ Hann hegðar sér ekki ósæmilega, leitar ekki síns eigin, hann reiðist ekki, er ekki langrækinn.

⁶ Hann gleðst ekki yfir óréttvísinni, en samgleðst sannleikanum.

⁷ Hann breiðir yfir allt, trúir öllu, vonar allt, umber allt.

⁸ Kærleikurinn fellur aldrei úr gildi. En spádómsgáfur, þær munu líða undir lok, og tungur, þær munu þagna, og þekking, hún mun líða undir lok. ⁹ Því að þekking vor er í molum og spádómur vor er í molum. ¹⁰ En þegar hið fullkomna kemur, þá líður það undir lok, sem

er í molum.

¹¹ Þegar ég var barn, talaði ég eins og barn, hugsaði eins og barn og ályktaði eins og barn. En þegar ég var orðinn fulltíða maður, lagði ég niður barnaskapinn.

¹² Nú sjáum vér svo sem í skuggsjá, í ráðgátu, en þá munum vér sjá augliti til auglitis.

Nú er þekking mín í molum, en þá mun ég gjörþekkja, eins og ég er sjálfur gjörþekktur orðinn.

¹³ En nú varir trú, von og kærleikur, þetta þrennt, en þeirra er kærleikurinn mestur.

Þessi tilvitnun er fengin að láni frá Netútgáfunni.

Við nútímafólk notum vefinn svo mikið að ég ákvað að fá mér vefsíðu sem myndi auðvelda fólki að hafa við mig samband. Hér hef ég upplýsingar um þá þjónustu sem ég býð uppá og gef kost á því að hafa við mig samband.

Þú getur sent mér tölvuskeyti héðan af vefnum, pantað tíma hjá mér í heilun eða beðið um fyrirbænir.